متتغير ياعم ...انا كده وهفضل كده واذا كان عاجب

هبدأ بقصة صغيره كتير ممكن يكونوا عارفينها
بس المهم المعنى للى هنطلع بيه منها

واحد كان بيقول لما كنت شاب حر كان عندى خياااااااال واسع جدا وقلت هقدر اغير العالم ده كله
لكن لما كبيرت شوية وبدات افهم وزادت الحكمة قللت طموحى لانى اكتشفت انى مش هقدر اغير العالم
وبعدها قلت خلاص هبدأ واغير بلدى
الا انى مقدرتش بردو اغير بلدى
فوصلت بعدها لمرحلة الشيخوخه وقلت خلاااااااااص انا هغير العايلة للى انا فيها وبس
لكن فشلت ف ده بردو ومقدرتش

واخر حاجه قالها
وخدوا بالكم من دى


قال وانا على فراش الموت ادركـــــــت ان المفروض كنت اغير من نفسى الاول وبعدين اجرب مع حد من عايلتى وواحده واحده نتجمع مع بعض عشان نغير بلدنا وساعتها كان ممكن نغير العالم كله


ـــــــــــــــــــــــــــــــــــــــــــــ


ايه الهدف من القصه دى

الهدف آية ف كتاب ربنا سبحانه وتعالى
(إن الله لايغـــير مابقوم حـــتى يغيــروا مابأنفسهم )ـ



التغير الحقيقى للى هيستمر دايما تغيير نفوسنا تغييرها بجد

لما تقول لحد كده لازم تتغير

يقولك ليه ياعم انا كده وهفضل كده واذا كان عاجب بقى

دى مشكلتنا
بنطلب من الشخص للى ادمنا يتغير ونقوله عيوبه

قبل مانشوف عيوبنا ونطالب نفسنا بالتغيير


ع المستوى الشخصى الاول
على مستوى علاقاتنا باهل بيتنا باصحابنا باجيرانا بزمايلنا ف الشغل

كل ده بيحصل من نفسنا ف الاول

_________________________


هقولكم قصة تانيه بسيطة
لو انا مثلا فى حاجه مضيقانى ف البيت بجد وف اليوم عامله حسابى اخرج مع صحابى

خرجت وانا مضايقه جدا بسبب الموضوع ده
طبعا انا مقفله بقى ومش عارفه اتعامل مع صحابى بنفس الطريقة بتاعتى علطول

ووسط الكلام قلت كلمه ضايقت واحده منى
فزعلت
خلصت الخروجه وهى راحت بيتها مضايقه طلعته على اخوها الصغير

نام وفضل زعلان منها
راح تانى يوم الحضانه ولا مدرسته وراح قعد جنب زميله فزعله واشاكل معاه

صاحبه الصغير راح لمامته وضيقها وفضل يعيييييييييييييط
ودايرة بتدور بقى كفايه لحد كده كلام


*******
سؤال بقى

هو مين السبب ف ان أم الولد الصغير تضايق ؟؟؟

ابنها ولاصاحب ابنها ولااخته ولا انا ؟؟؟


**********

ليه لما اكون مضايق من البيت مثلا ف نفس مثالنا ورحت خرجت مع صحابى
اقولهم اعذرونى لو صدر منى تصرف النهارده يضايق حد

هما صحابى وبالتاكيد فاهمنى
فلو حصل منى حاجه كلمة او تصرف ضايقهم هيكونوا مقدرين

وتبقى خلصت كده

يااما اتعامل بطريقة عادية زى طبيبعتى وافصل مابين خروجتى والناس دى وبين مشاكلى لو هقدر اعمل كده


الطفل الصغير ملوش ذنب ف مشاكلى ف البيت
بس احنا عايشيين ف دايرة كبيرة وواسعه دنيا بنتاثر بيها وبتاثر فينا

يبقى لازم نتحكم ف نفسنا بجد ونحكم تصرفاتنا علشان نعمل بكلام ربنا سبحانه وتعالى

ونغير نفوسنا قبل مانغير اللى حوالينا

،،،،،،،،،،،،،،،،،،،،،،،،،،،


يمكن طولت عليكم شوية ف الكلام ده

بس منتظرة رايكم ومشاركاتكم

عشان الموضوع للى جاى هيكون ازاى تغير صفة سلبية موجوده فيك
او حاجه نفسك تعملها من زمان او هواية ومعملتهاش من زمان
ف مدة بسيطة

21 يوووووووووم

وتقدر تتغييييييير بجد طالما قررت انك تتغير


يلا منتظرة ابداعاتكم ورايكم

جزاكم الله خيرا انكم كملتوا الموضوع للاخر